அஇஅதிமுகவின் செயற்குழு பொதுக்குழு கூட்டம் வானகரத்தில் உள்ள தனியார் திருமண மண்டபத்தில் நடைபெற்றது. இந்நிலையில், பொதுக்குழுவிற்கு ஓபிஎஸ், இபிஎஸ் ஆகியோர் தனித்தனியாக வாகனங்களில் வந்ததால் பூந்தமல்லி டு வேலூர் சாலையில் போக்குவரத்து நெரிசல் ஏற்பட்டுள்ளது.
அஇஅதிமுக செயற்குழு பொதுக்குழு கூட்டம்
அஇஅதிமுகவின் செயற்குழு பொதுக்குழு கூட்டம் சென்னை வானகரத்தில் உள்ள ஸ்ரீவாரு வெங்கடாஜலபதி மஹாலில் சற்று நேரத்தில் நடைபெற்றது. கூட்டத்தில் சுமார் 2,665 பொதுக்குழு உறுப்பினர்கள் கலந்துகொள்ள உள்ள நிலையில் பாதுகாப்பு ஏற்பாடுகள் தீவிரப்படுத்தப்பட்டுள்ளது. பாதுகாப்பிற்காக ஆயிரத்திற்கும் மேற்பட்ட போலீசார் பாதுகாப்பு பணியில் ஈடுபட்டு வருகின்றனர்.
23 தீர்மானங்கள்
பொதுக்குழுவில் அதிமுக கொண்டு வந்த திட்டங்களை திமுக அரசு முடக்குவதைக் கண்டித்தும், ஆளும்கட்சியின் மக்கள் விரோத போக்கை கண்டித்தும் பொதுக்குழுவில் தீர்மானங்கள் கொண்டு வரப்படுகிறது. இது தவிர முல்லைப் பெரியாறு அணை, மேகதாது, காவிரி பிரச்சனை போன்ற பொது விவகாரங்களை உள்ளடக்கிய 23 தீர்மானங்களை நிறைவேற்ற முடிவு செய்யப்பட்டுள்ளது.
ஒற்றை தலைமை விவகாரம்
ஒற்றை தலைமை விவகாரம் ஓபிஎஸ், இபிஎஸ் இடையே கடந்த சில வாரங்களாக சர்ச்சை நீடித்து வந்தது. இந்நிலையில், இருவரும் ஒன்றாக இக்கூட்டத்தில் பங்கேற் முன்னதாக வீட்டில் இருந்து புறப்பட்டு வந்தனர். அதிமுக ஓ.பன்னீர்செல்வம் மற்றும் இணை ஒருங்கிணைப்பாளர் எடப்பாடி பழனிசாமிக்கு வழி நெடுகிலும் தொண்டர்கள் மலர் தூவியும் வாழ்த்து கோஷங்கள் எழுப்பியும் உற்சாக வரவேற்பு அளித்தனர்.
போக்குவரத்து நெரிசல்
பொதுக்குழு நடைபெறும் தனியார் திருமண மண்டபத்தில் முன்பு ஆயிர கணக்கான அதிமுக நிர்வாகிகள், தொண்டர்கள் குவிந்துள்ளனர். இதனால் பூந்தமல்லி டு வேலூர் செல்லும் நான்கு வழி சாலையில் போக்குவரத்து நெரிசல் ஏற்பட்டுள்ளது.
