வாடிவாசல் படம் முடிந்தவுடன் வெற்றி மாறன், விஜய் கூட்டணி இணையப்போவதாக தகவல்கள் வெளியாகியுள்ளது.
வெற்றிமாறன்
2007ம் ஆண்டு வெளியான பொல்லாதவன் திரைப்படத்தின் மூலம் தமிழ் சினிமாவில் இயக்குனராக அறிமுகமானவர் வெற்றிமாறன். தனது முதல் படத்திலேயே மக்களின் கவனத்தை ஈர்த்த இவர் தொடர்ந்து ஆடுகளம், விசாரணை, வடசென்னை, அசுரன் என்று எடுத்த அனைத்து படத்திலேயும் வெற்றி கண்டார். இவர் இயக்கத்தில் சேவல் சண்டையை மையமாக வைத்து வெளியான ஆடுகளம் திரைப்படம் பெரும் வெற்றி பெற்றது மட்டுமின்றி 6 தேசிய விருதுகளை வென்றது. இதனையடுத்து வெளியான அசுரன் படமும் சிறந்த படத்திற்கான தேசிய விருதினை வென்றது.
வாடிவாசல்
இவர் இயக்கத்தில் கடந்த 2018ம் ஆண்டு வெளியான வடசென்னை படம் திரையரங்கில் சக்கைபோடு போட்டது. நடிகர் தனுஷுக்கு முக்கியமான படமாக மாறியது. இந்த வெற்றியை தொடர்ந்து வெற்றிமாறன் வடசென்னை இரண்டாம் பாகத்தை இயக்குவார் என்று எதிர்பார்க்கப்பட்டது. ஆனால் தற்போது வெற்றிமாறன் நடிகர் சூரியை வைத்து விடுதலை படத்தை இயக்கி வருகிறார். பின்னர் நடிகர் சூர்யாவை வைத்து வாடிவாசல் படத்தை இயக்கவுள்ளார். ஜல்லிக்கட்டை அடிப்படையாகக் கொண்ட இந்த படத்திற்காக சூர்யா காளைகளுடன் பயிற்சி எடுத்து வருகிறார்.
புதிய கூட்டணி
தொடர்ந்து வெற்றிப் படங்களை கொடுத்து வரும் வெற்றிமாறன் அடுத்ததாக நடிகர் விஜயுடன் இணையப்போவதாக தகவல்கள் வெளியாகியுள்ளது. வெற்றிமாறன் ஏற்கனவே விஜயிடம் ஒரு கதை சொன்னதாக கூறப்பட்டது. ஆனால் சில காரணங்களுக்காக அந்த படம் தடைபட்டது. அதனால் வெற்றிமாறன் வாடிவாசல் படத்தை முடித்தவுடன் விஜய் நடிக்கும் புதிய படத்தை இயக்குவார் என்று எதிர்பார்க்கப்படுகிறது.
விஜய் படங்கள்
பீஸ்ட் படத்தை அடுத்த நடிகர் விஜய் தற்போது வம்சி பைடிபள்ளி இயக்கும் விஜய் 66 படத்தில் நடித்து வருகிறார். இந்த படம் 2023ம் ஆண்டு வெளியாகும் என்று அறிவிக்கப்பட்டுள்ளது. இதனைத்த்தொடர்ந்து மாஸ்டர் படத்தை இயக்கிய லோகேஷ் கனகராஜ் இயக்கத்தில் நடிக்கவிருக்கிறார் விஜய். இதனையடுத்து இவர் வெற்றி மாறன் இயக்கும் புதிய படத்தில் நடிப்பார் என்று எதிர்பார்க்கப்படுகிறது.
