கர்ப்ப காலத்தில் எடுத்துக் கொள்ளவேண்டிய உணவுகள் !

கர்ப்ப காலத்தில் எடுத்துக் கொள்ளவேண்டிய உணவுகள் !

பெண்ணின் வாழ்க்கையில் கர்ப்ப காலம் என்பது  மிக அழகான காலகட்டங்களில் ஒன்றாகும். உலகிற்கு புதிய உயிரினைக் கொண்டு வரும் பெண் தன்னுடைய கர்ப்ப காலத்தில் ஆரோக்கியமான உணவு மற்றும் ஆரோக்கியமான சூழலை அனுபவிக்க வேண்டும்.

உணவுப் பழக்கத்தில் ஏற்படும் மாற்றங்கள், கர்ப்ப காலத்தில் பெண்ணுக்கு மிக முக்கியமான விஷயம் ஆகும். நன்கு சமநிலையான, சரிவிகித உணவை உட்கொள்வது மற்றும் கர்ப்பிணிகளுக்கு ஏற்ப கலோரி எண்ணிக்கையை உணவில் சேர்த்துக் கொள்வது போன்றவற்றை சரிபார்த்துக் கொள்ள வேண்டும்.

கர்ப்ப காலத்தில் நீங்கள் உண்ணும் ஆரோக்கியமான உணவுகள் தான், ஆரோக்கியமான பிரசவத்துக்கும், ஆரோக்கியமான குழந்தையைப் பெற்றெடுக்க உதவி புரிகின்றன. அப்படிப்பட்ட சிறந்த உணவுகள் என்னவென்று தெரிந்து கொள்ளலாம் வாங்க.

பால் பொருட்கள்:

கர்ப்ப காலத்தில் பால் பொருட்கள் எடுத்துக் கொள்வது மிகவும் அவசியம்.
குழந்தை வளர்வதற்கு,புரத சத்தும் கால்சியமும் தேவைப்படும்.அவை பால் பொருட்கள் மூலம் நமக்கு கிடைக்கும்.தினமும் ஒரு கிளாஸ் பால் எடுத்துக் கொள்வது மிகவும் அவசியமான ஒன்று ஆகும்.
யோகர்ட், பன்னீர் மற்றும் நெய் எடுத்துக் கொள்வதன் மூலம் குழந்தை ஆரோக்கியமாக பிறக்கும்.

முட்டை:

வைட்டமின்கள், புரதங்கள் மற்றும் தாதுக்கள் ஆகியவை இருப்பதால் முட்டைகள் சூப்பர்ஃபுட் என்று கருதப்படுகிறது. முட்டையில் இருக்கும் புரதங்கள், கருவின் உயிரணுக்களை உருவாக்கி சரிசெய்வதால், குழந்தை வளர்ச்சிக்கு மிகவும் நல்லது.

கூடுதலாக, முட்டையில் அதிக அளவு கோலின் உள்ளது, இது கருவிலிருக்கும் குழந்தையின் மூளை மற்றும் நரம்பு மண்டலத்தின் வளர்ச்சியை மேம்படுத்தும்.

வாழைப்பழம்:

வாழைப்பழத்தில் ஃபோலிக் அமிலம், கால்சியம், பொட்டாசியம் மற்றும் வைட்டமின் பி6 ஆகியவை உள்ளது. மேலும் அவை ஆன்டி-ஆக்ஸிடன்ட்கள் நிறைந்துள்ளதால் கர்ப்ப காலத்தில் ஆற்றலை அதிகரிக்க உதவுகிறது.

சர்க்கரைவள்ளி கிழங்கு:

செல்கள் மற்றும் திசுக்களின் வளர்ச்சிக்கு வைட்டமின் ஏ அவசியம். வைட்டமின் ஏ நோய் எதிர்ப்பு சக்தியை அதிகரிக்கவும் பார்வையை மேம்படுத்தவும் உதவுகிறது. எனவே, அதிக சர்க்கரைவள்ளி சாப்பிடுவது தாய் மற்றும் கருவில் இருக்கும் குழந்தைக்கு நன்மை பயக்கும்.

பருப்பு வகைகள்:

பருப்பு வகைகள், சோயாபீன்ஸ், பட்டாணி, பீன்ஸ், கொண்டைக்கடலை மற்றும் வேர்க்கடலை ஆகியவற்றை உள்ளடக்கிய உணவுகள் ஆகும்.
அவை தாவர அடிப்படையிலான நார்ச்சத்து, புரதம், ஃபோலேட், கால்சியம் மற்றும் இரும்பு ஆகியவற்றின் சிறந்த மூலமாகும்.

மேலும் இவை அனைத்தும் கர்ப்பிணிப் பெண்ணுகளுக்கு மிகவும் முக்கியம். போதுமான ஃபோலேட் இருப்பதால், உங்கள் குழந்தை ஆரோக்கியமாக பிறக்கும் மற்றும் எதிர்காலத்தில் பல நோய்கள் மற்றும் தொற்றுநோய்களிலிருந்து பாதுகாக்கப்படும்.

நட்ஸ்:

கர்ப்ப காலத்தில் சிற்றுண்டிக்கு சிறந்த தேர்வாக அமைகிறது. குழந்தைகளின் வளர்ச்சிக்கு முக்கியமான ஒமேகா-3 கொழுப்பு அமிலங்கள், புரதங்கள், நார்ச்சத்துக்கள் மற்றும் பிற அத்தியாவசிய ஊட்டச்சத்துக்கள் இவற்றில் உள்ளன.

ஆரஞ்சு ஜூஸ்:

ஆரஞ்சு ஜுஸ் ஃபோலேட், பொட்டாசியம் மற்றும் வைட்டமின் சி ஆகிய ஊட்டச்சத்தை கொடுக்க வல்லது, இது பல்வேறு வகையான பிறப்பு குறைபாடுகளைத் தடுக்கும். ஆரஞ்சு ஜூஸில் உள்ள வைட்டமின் சி, குழந்தைகளின் இரும்புச்சத்து உட்கொள்ளும் ஆற்றலை அதிகரிக்கும். எனவே, உங்கள் காலை உணவின் ஒரு பகுதியாக தினமும் ஒரு கிளாஸ் ஆரஞ்சு ஜூஸ் எடுத்துக்கொள்ளுங்கள்.

கீரைகள்:

கீரைகள் ஊட்டச்சத்துக்கள் நிறைந்தவை, மேலும் அவை பல நோய்களுக்கு எதிராக உடலைப் பாதுகாக்க உதவும் என்பதை நாம் அனைவரும் அறிவோம். ஆக்ஸிஜனேற்றிகள், கால்சியம், புரதம், நார்ச்சத்து, ஃபோலேட், வைட்டமின்கள் மற்றும் பொட்டாசியம் ஆகிய ஊட்டச்சத்துக்கள் நிறைந்துள்ளதால், கர்ப்ப காலத்தில் எடுத்துக் கொள்ள சிறந்த உணவாகும்.

சால்மன் மீன்:

சால்மன் மீனில் ஒமேகா-3 கொழுப்பு அமிலங்கள் நிறைந்துள்ளன, இது இதய ஆரோக்கியத்திற்கு மிகவும் நல்லது. கர்ப்பமாக இருக்கும் பெண்களுக்கு உணவில் போதுமான ஒமேகா -3 இருப்பது அவசியம், ஏனெனில் இது கருவின் மூளை மற்றும் கண்களின் வளர்ச்சிக்கு உதவுகிறது. சால்மன் வைட்டமின் D இன் சிறந்த மூலமாகும், இது எலும்பு ஆரோக்கியத்திற்கும் நோய் எதிர்ப்பு சக்திக்கும் முக்கியமானது.

இந்த உணவுகளை தினசரி எடுத்துக் கொள்வதால், குழந்தையின் ஆரோக்கியம் மேம்படும்.