அரசு பள்ளியில் எல்கெஜி, யுகேஜி வகுப்புகள் தொடரந்து இயங்கும் என பள்ளிக்கல்வித்துறை அமைச்சர் அன்பில் மகேஷ் பொய்யாமொழி அறிக்கையில் தெரிவித்துள்ளார்.
அறிக்கை
இது குறித்து அவர் வெளியிட்டுள்ள அறிக்கையில், தமிழகத்தில் 2,381 அரசு தொடக்க, நடுநிலைப் பள்ளிக்களுக்குள் அமைந்த அங்கன்வாடி மையங்கள் பரிசோதனை அடிப்படையில் எல்கெஜி , யுகேஜி வகுப்புகளாக மாற்றப்பட்டு சில வருடம் நடத்தப்பட்டு வருகின்றன. முந்தைய ஆட்சிக்காலத்தில் மாணவர்கள் சேர்க்கை குறைந்த காரணத்தால், கூடுதல் எண்ணிக்கையில் இருந்த ஆசிரியர்கள் எல்கெஜி , யுகேஜி வகுப்புகள் எடுக்க அனுப்பி வைக்கப்பட்டருந்தன.
“மாண்புமிகு முதலமைச்சர் @mkstalin அவர்களின் அறிவுரைக்கிணங்க, அரசுப் பள்ளிகளில் L.K.G, U.K.G வகுப்புகள் தொடர்ந்து இயங்கும்;
இதற்கென தகுதியான சிறப்பாசிரியர்கள் தேவையான இடங்களில் நியமிக்கப்படுவர்”
– பள்ளிக் கல்வித் துறை அமைச்சர் திரு @Anbil_Mahesh அவர்கள் அறிவிப்பு.#TNSchools pic.twitter.com/bXBdnrv7Hb
— DMK (@arivalayam) June 9, 2022
தரம் உயர்த்த அரசு பாடுபடும்
ஆனால், அரசு பள்ளிகளின் தரத்தினை உயர்த்திட இந்த அரசு கடந்த ஓராண்டாக எடுத்து வரும் பல்வேறு சிறப்பு முயற்சிகளின் காரணமாக சுமார் 7 இலட்சம் மாணவர்கள் கடந்த கல்வியாண்டில் மட்டும் மாநிலம் முழுவதும் உள்ள பல்வேறு அரசுப் பள்ளிகளில் பல்வேறு வகுப்புகளில் புதிதாக சேர்ந்துள்ளனர். இதன் காரணமாக, அரசுப் பள்ளிகளில் கூடுதலாக கடந்த கல்வியாண்டில் 3000 வகுப்புகள் தொடங்கப்பட்டன.
ஆசிரியர்கள் மாற்றம்
அதிகமான எண்ணிக்கையிலான மாணவர் சேர்க்கையினால், அரசுப் பள்ளிகளில் ஆசிரியர்களின் தேவை அதிகரித்ததையடுத்து எல்கெஜி , யுகேஜி வகுப்புகளில் பாடம் எடுக்க அனுப்பி வைக்கப்பட்டிருந்த ஆசிரியர்கள் பணி மாறுதல் வாயிலாக 1 முதல் 5 வகுப்புகளுக்கு ஆசிரியர்களாக அண்மையில் சென்றுள்ளனர்.
இருப்பினும் சம்பந்தப்பட்ட அங்கன்வாடி மையங்களில் குழந்தைகள் தொடர்ந்து அவர்களது கல்வியினை தங்கு தடையின்றி பெற அனைத்து நடவடிக்கைகளும் அரசால் எடுக்கப்பட்டுள்ளன.
வகுப்புகள் தொடரும்
இந்நிலையில், எல்கேஜி, யுகேஜி வகுப்புகளை அரசுப்பள்ளிகளில் தொடர்ந்து நடத்திட வேண்டும் என பல்வேறு தரப்பினரிடம் இருந்து வரப்பெற்ற கோரிக்கையினை ஏற்று தமிழக முதலமைச்சரின் ஆணைக்கிணங்க அரசு பள்ளிகளில் எல்கேஜி, யுகேஜி வகுப்புகள் தொடர்ந்து நடைபெற பள்ளிக் கல்வித்துறை உத்தரவிட்டுள்ளது. இதற்கென தகுதியான ஆசிரியர்கள் தேவையான இடங்களில் நியமிக்கப்படுவார்கள் என பள்ளிக்கல்வித்துறை அமைச்சர் அமைச்சர் அன்பில் மகேஷ் பொய்யாமொழி அறிக்கையில் தெரிவித்துள்ளார்.
