நடிகர் சூரி ராமேஸ்வரத்தில் சாமி தரிசனம் செய்த புகைப்படம் தற்போது இணையத்தில் வெளியாகி வைரலாகி வருகிறது.
பிரபல நடிகர்
கார்த்தி நடித்துள்ள விருமன் திரைப்படத்தின் இசை வெளியீட்டு விழா சமீபத்தில் மதுரையில் நடைபெற்றது. அதில் கலந்து கொண்டு பேசிய நடிகர் சூரி, ஆயிரம் கோவிலை கட்டுவதைவிட ஒருவருக்கு கல்வி வழங்குவது சிறந்தது. இந்த கருத்துக்கு பல்வேறு அமைப்புகளும் கண்டனம் தெரிவித்தது. அதனையடுத்து இது தொடர்பாக நடிகர் சூரி விளக்கமளித்தார். அதில், ‘நான் கடவுளுக்கு எதிரானவன் கிடையாது.நான் நடத்தும் ஓட்டலுக்கு கடவுளின் பெயரை தான் வைத்துள்ளேன்’ என்று கூறியிருந்தார்.
இந்நிலையில், நடிகர் சூரி ராமேஸ்வரம், ராமநாத சுவாமி கோவிலில் சாமி தரிசனம் செய்துள்ளார். நடிகர் சூரியின் கருத்துக்கு பெரும் எதிர்ப்புகள் எழுந்ததால் அவர் போலீஸ் பாதுகாப்புடன் கோவிலுக்கு சென்றுள்ளார்.