தீபாவளி தினத்ததையொட்டி ‘வாரிசு’ படத்தின் முதல் ‘சிங்கிள் டிராக்’ பாடலை வெளியிட உள்ளதாக கூறப்படுகிறது.
வாரிசு படம்
தமிழ் திரையுலகின் முன்னணி நடிகர்கர்களில் ஒருவர் நடிகர் விஜய். இவர் ‘பீஸ்ட்’ படத்தை அடுத்து இயக்குனர் வம்சி இயக்கத்தில் உருவாகி வரும் ‘வாரிசு’ திரைப்படத்தில் நடித்து வருகிறார். இப்படத்தில் ராஷ்மிகா மந்தனா கதாநாயகியாக நடிக்க, பிரகாஷ்ராஜ், சரத்குமார், குஷ்பூ, ஷாம், யோகி பாபு ஆகியோர் முக்கிய கதாபாத்திரங்களில் நடித்து வருகிறார்கள். தற்போது இப்படத்தின் படப்பிடிப்பு விறுவிறுப்பாக நடைபெற்று வருகிறது. ஆண்டுதோறும் தீபாவளி அன்று விஜய் படம் வெளியாவது வழக்கம்.
அப்டேட்
ஆனால் வாரிசு படம் பொங்கல் பண்டிகைக்கு வெளியாகவுள்ளதால் இந்த தீபாவளிக்கு விஜய் படம் வெளியாகவில்லை. இந்நிலையில், விஜய் ரசிகர்களை உற்சாக படுத்தும் வகையில் தீபாவளி தினத்தன்று ‘வாரிசு’ படத்தின் முதல் ‘சிங்கிள் டிராக்’ பாடலை வெளியிட உள்ளதாக தகவல்கள் வெளியாகியுள்ளது.