அமைச்சர் பதவி
2021-ம் சட்டமன்ற தேர்தலில் தி.மு.க. சார்பாக சேப்பாக்கம்-திருவல்லிக்கேணி தொகுதியில் போட்டியிட்டு வெற்றி பெற்றார் உதயநிதி ஸ்டாலின். சட்டசபை தேர்தலில் இவரது ‘செங்கல் பிரசாரம்’ மக்களிடையே மிகவும் பிரபலமானது. இதனிடையே கடந்த சில ஆண்டுகளாகவே உதயநிதிக்கு அமைச்சர் பதவி வழங்க வேண்டும் என்று தி.மு.க வை சேர்ந்த பலரும் வலியுறுத்தி வந்தனர். சமீபத்தில் இவருக்கு தி.மு.க. இளைஞர் அணி செயலாளர் பதவி வழங்கப்பட்டது. அரசியலில் தீவிரமாக செயல்பட்டு வந்தாலும் சினிமாவில் ‘விக்ரம்’, ‘லவ் டுடே’ போன்ற வெற்றி படங்களை வெளியிட்டும் வருகிறார்.
இந்நிலையில், சென்னை கிண்டி கவர்னர் மாளிகையில் நாளை காலை 9.30 மணியளவில் கவர்னர் ஆர்.என்.ரவி தலைமையில் உதயநிதி ஸ்டாலின் அமைச்சராக பதவி ஏற்கிறார். இதனால் திமுகவினர் கொண்டாட்டத்தில் ஈடுப்பட்டு வருகிறார்கள்.