பாடல்கள் ரெக்கார்டிங்
கடந்த 2020-ம் ஆண்டு நேரடியாக ஓடிடியில் வெளியான திரைப்படம் ‘சூரரைப் போற்று’. இதில் சூர்யா, அபர்ணா பாலமுரளி இணைந்து நடிக்க, கருணாஸ், ஊர்வசி உள்ளிட்டோர் முக்கிய வேடங்களில் நடித்திருந்தனர். மேலும், ஜி.ஆர். கோபிநாத்தின் வாழ்க்கையை மையமாக வைத்து உருவாக்கப்பட்ட இப்படத்தை இயக்குனர் சுதா கொங்கரா இயக்கியிருந்தார். இந்த படம் பெரும் வெற்றி பெற்றதையடுத்து இப்படம் ஹிந்தியில் ரீமேக் செய்யப்பட்டு வருகிறது. சூர்யா கதாபாத்திரத்தில் நடிகர் அக்ஷய் குமார் நடிக்கும் இத்திரைப்படத்திற்கு ஜி.வி. பிரகாஷ் இசையமைத்து வருகிறார்.
இந்நிலையில், ‘சூரரைப் போற்று’ ஹிந்தி ரீமேக் படத்தின் பாடல்கள் ரெக்கார்டிங் பணி விறுவிறுப்பாக நடைபெற்று வருகிறது. இதனை இசையமைப்பாளர் ஜி.வி.பிரகாஷ் குமார் தனது ட்விட்டர் பக்கத்தில் புகைப்படம் ஒன்றை வெளியிட்டு அறிவித்துள்ளார்.
#SooraraiPottru Hindi songs recording on progress … coming up with fresh songs for it … super excited @Sudha_Kongara @akshaykumar @Suriya_offl @Abundantia_Ent @rajsekarpandian pic.twitter.com/7sZf4vUBIt
— G.V.Prakash Kumar (@gvprakash) December 27, 2022