ராமராஜன் படம்
80-களில் தமிழ் சினிமாவின் முன்னணி நடிகராக வலம் வந்தவர் நடிகர் ராமராஜன். இவர் கடைசியாக 2012-ம் ஆண்டு வெளியான ‘மேதை’ திரைப்படத்தில் நடித்திருந்தார். அதன்பிறகு 10 ஆண்டுகளுக்கு பிறகு ‘சாமானியன்’ என்ற படத்தில் நடித்துள்ளார். இதில் நக்சா சரண், ராதாரவி, எம்.எஸ்.பாஸ்கர், ராஜாராணி பாண்டியன், மைம் கோபி ஆகியோர் முக்கிய கதாபாத்திரங்களில் நடித்துள்ளனர். மேலும், தம்பிக்கோட்டை, மறைந்திருந்து பார்க்கும் மர்மம் என்ன படங்களை இயக்கிய ராகேஷ் இப்படத்தை இயக்கியுள்ளார். எட்செட்ரா என்டர்டெயின்மென்ட் இந்த படத்தை தயாரித்துள்ளது.
இந்நிலையில், நடிகர் ராமராஜன் உள்ளிட்ட சாமானியன் படக்குழு இசையமைப்பாளர் இளையராஜாவை நேரில் சந்தித்து ஆசி பெற்றுள்ளனர். இந்த புகைப்படங்கள் இணையத்தில் கவனம் பெற்றுள்ளது.
