பள்ளி மாணவனுக்கு கஞ்சா வழங்கியதை தட்டி கேட்டதால் ஏற்பட்ட மோதலில் கார் டிரைவர் ஓட ஓட குத்திக்கொலை.
நாமக்கல் மாவட்டம்
நாமக்கல் நகராட்சி பகுதியை சேர்ந்தவர் சின்னத்தம்பி. இவரது மகன் பிரபாகரன் (29) கார் ஓட்டுநர் வேலை செய்து வருகிறார். இவரும் செல்லப்பா காலனி பகுதியை சேர்ந்த சுரேந்தர் இருவரும் நேற்று இரவு செல்லப்பா காலனி பகுதியில் மது அருந்தி உள்ளனர்.
சுரேந்தர் பிரபாகரின் அண்ணன் மகனான 10 வகுப்பு சிறுவனுக்கு கஞ்சா வாங்கி கொடுத்ததாக கூறப்படுகிறது. இந்நிலையில், பிரபாகரன் 10-ம் வகுப்பு படிக்கும் தனது அண்ணா மகனுக்கு ஏன் கஞ்சா வழங்கி அவனது எதிர்காலத்தை வீணாக்குகிறாய் என தட்டி கேட்டுள்ளார்.அப்போது இருவருக்கும் தகராறு முற்றிய நிலையில் பிரபாகரன் சுரேந்தரை தாக்கியுள்ளார்.
சுரேந்தர் நண்பர்கள்
இதில் ஆத்திரமடைந்த சுரேந்தர் தனது நண்பர்களிடம் தெரிவித்து பிரபாகரனை பழிதீர்க்க கூறியுள்ளார். இதனையடுத்து செல்லப்பா காலனி, மேதரமாதேவி சேர்ந்த 10 பேர் கொண்ட கும்பல் செல்லப்பா காலனிக்கு வந்தனர்.
அப்போது ஏற்பட்ட தகராறில் பிரபாகரன் தான் வைத்திருந்த கத்தியால் மேதரமாதேவியை சார்ந்த விக்னேஷை வயிற்றில் குத்தியுள்ளார். இதில் படுகாயம் அடைந்த விக்னேஷை அவரது நண்பர்கள் சிலர் மருத்துவமனைக்கு கொண்டு சென்றுள்ளனர்.
குத்தி கொலை
மற்ற சிலர் பிரபாகரனை பழிதீர்க்க துரத்தி உள்ளனர். பிரபாகரன் அப்பகுதில் உள்ள ஒரு வீட்டில் தஞ்சமடைந்த நிலையில் 5 பேர் கொண்ட கும்பல் வீட்டின் கதவை உடைத்து உள்ளே நுழைந்து பிரபாகரனை சரமாரியாக 17 இடங்களில் குத்தினர். அவரை வீட்டின் வெளியே இழுத்து வந்து தலையில் கல்லால் தாக்கி வீட்டு அங்கிருந்து தப்பினர்.
போலீசார் விசாரணை
இச்சம்பவம் குறித்து நாமக்கல் போலீசார் வழக்குபதிவு செய்து குற்றவாளிகளை தீவிரமாக தேடினர். தேடுதல் வேட்டையில் பகுதியிலேயே மறைத்திருந்த சுரேந்தர், அவரது அண்ணன் கிருஷ்ணமூர்த்தி, மேதரமாதேவி சேர்ந்த சபின் உள்ளிட்ட 5 பேரை கைது செய்து இக்கொலை சம்பவத்தில் யாருக்கெல்லாம் தொடர்புள்ளது எனவும் தொடர்ந்து விசாரணை செய்து வருகின்றனர்.