அரசியல்சமூகம்சுற்றுசூழல்தமிழ்நாடு

இலவசங்கள் குறித்து அண்ணாமலைக்கு பதில் அளித்த கனிமொழி எம்.பி !

நலத்திட்டங்களுக்கும், இலவசங்களுக்கும் இடையே உள்ள வேறுபாட்டை புரிந்து கொள்ள வேண்டும் என கனிமொழி எம்.பி அண்ணாமலைக்கு பதில் தெரிவித்துள்ளார்.

கனிமொழி எம்.பி

கடந்த வாரத்தில் திமுக அறிவித்த 500க்கும் மேற்பட்ட வாக்குறுதிகளில், பாதிக்கும் மேற்பட்டவை தேவையில்லாத இலவசங்கள் என்று தமிழக பா.ஜ.க தமிழக தலைவர் அண்ணாமலை குற்றஞ்சாட்டி இருந்தார். இதற்கு பதிலளிக்கும் வகையில் தி.மு.க எம்.பி கனிமொழி இன்று செய்தியாளர்களிடம் பதிலளித்துள்ளார். அவர், ‘நலத்திட்டங்களுக்கும், இலவசங்களுக்கும் இடையே உள்ள வேறுபாட்டை பாஜக புரிந்து கொள்ள வேண்டும். முன்னாள் முதலமைச்சர் கருணாநிதி விவசாயிகளுக்கு இலவச மின்சாரம் வழங்கினார். அந்த இலவச மின்சாரம் இல்லையென்றால் இன்று பல விவசாயிகள் விவசாயத்தை விட்டே போக வேண்டிய சூழல் உருவாகியிருக்கும். அதே போல், அடித்தட்டு மக்களின் முன்னேற்றத்திற்காக இலவச கல்வி, இலவச அரிசி உள்ளிட்டவை வழங்கப்படுகின்றன.  மக்களால் தேர்ந்தெடுக்கப்பட்ட ஆட்சி என்பது, அவர்களை பாதுகாக்கவும், அவர்களின் வாழ்க்கை தரத்தை மேம்படுத்தவும் கூடிய ஒன்றாக இருக்க வேண்டும்.’ என பதிலளித்துள்ளார்.

Related posts