‘கோமாளி’, ‘லவ் டுடே’ படங்களை இயக்கிய பிரதீப் ரங்கநாதன் அடுத்ததாக ஜெயம் ரவி நடிக்கும் புதிய படத்தை இயக்கவுள்ளதாக தகவல்கள் வெளியாகியுள்ளது.
வெற்றி கூட்டணி
ஜெயம் ரவி நடிப்பில் 2019-ம் ஆண்டு வெளியான கோமாளி படத்தின் மூலம் தமிழ் சினிமாவில் இயக்குனராக அறிமுகமானவர் பிரதீப் ரங்கநாதன். இப்படம் மாபெரும் வெற்றி பெற்றது. இதனைத்தொடர்ந்து இவர் இயக்கிய ‘லவ் டுடே’ திரைப்படம் அண்மையில் திரையரங்கில் வெளியாகி வசூல் சாதனை புரிந்து வருகிறது. இப்படம் இதுவரை ரூ.20 கோடி வசூல் செய்துள்ளதாக கூறப்படுகிறது. இந்த படத்தை ஏஜிஎஸ் என்டர்டெயின்மென்ட் நிறுவனம் தயாரித்தது.
இந்நிலையில், ஜெயம்ரவி நடிக்கும் புதிய படத்தை இயக்குனர் பிரதீப் ரங்கநாதன் இயக்கவுள்ளதாக தகவல்கள் வெளியாகியுள்ளது. மேலும், இதனை ஏ.ஜி.எஸ் நிறுவனம் தயாரிக்கவுள்ளதாக கூறப்படுகிறது.
