பிரபல கிரிக்கெட் வீரர் தோனியின் 41வது பிறந்த நாளை கொண்டாடும் அவரின் ரசிகர்கள், பல்வேறு விதங்களில் தனது அன்பை வெளிப்படுத்தி வருகிறார்கள்.
தோனி பிறந்த நாள்
இந்திய கிரிக்கெட் வீரர் தோனியின் 41வது பிறந்த நாள் இன்று கொண்டாடப்படுகிறது. இதற்கு இந்தியா முழுவதும் உள்ள தோனியின் ரசிகர்கள் இணையத்தில் தனது வாழ்த்துகளை தெரிவித்து வருகிறார்கள். இநிலையில், கடலூர் மாவட்டம் அரங்கூர் கிராமத்தைச் சேர்ந்தவர் கோபி கிருஷ்ணன். இவர் துபாயில் பணிபுரிந்து வருகிறார். கோபி கிருஷ்ணன் கிரிக்கெட் வீரரின் தீவிர ரசிகர் என்று கூறப்படுகிறது. இதனால் அவர் ஏற்கனவே சென்னை சூப்பர் கிங்ஸ் அணியின் மஞ்சள் நிற பெயிண்ட்டை தனது வீட்டுக்கு அடித்துள்ளார். மேலும், இன்று தோனியின் 41வது பிறந்த நாளை முன்னிட்டு தனது வீட்டின் ஒரு பகுதியில் டோனி படம் வரைந்துள்ளார்.
41 அடி கட்அவுட்
இதனையடுத்து விஜயவாடா மாவட்டத்தை சேர்ந்த தோனியின் ரசிகர்கள் முன்னாள் இந்திய கேப்டன் தோனிக்கு 41 அடி கட்அவுட்டை வைத்து மகிழ்ந்துள்ளனர். இது 2011ம் ஆண்டு உலகக்கோப்பையில் தோனி அடித்த கடைசி சிக்சர் ஷாட்டின் கட் அவுட் என்பது குறிப்பிடத்தக்கது.