இண்டெர்நெட் குக்கீஸ் (Internet Cookies) என்ற வார்த்தையினை கணிணி பயன்படுத்துகின்ற பெரும்பாலானவர்கள் கேட்டிருக்க வாய்ப்பு உண்டு . இண்டெர்நெட் குக்கீஸ் என்றால் என்ன ? எதற்காக பயன்படுத்தப்படுகின்றது? அதனை யார் உருவாக்குகிறார்கள் என்பதனை இப்போது பார்க்கலாம் .
Cookies என்பது மிக குறைந்த தகவல்களை கொண்டிருக்கின்ற ஒரு Text File . நீங்கள் பயன்படுத்துகின்ற இண்டெர்நெட் பிரவுசரின் தகவல்கள் சேமிக்கப்பட்டிருக்கும் இடத்தில் தான் cookies சேமிக்கப்பட்டு இருக்கும் . பாதுகாப்பு காரணங்களுக்காக இந்த பைல் என்கிரிப்ட் செய்யப்பட்டிருக்கும் .
இணையதளத்தை உருவாக்குகிறவர்கள் தங்களது இணையதளத்தின் சில அம்சங்கள் சிறப்பாக வேலை செய்யவேண்டி Cookies ஐ பயன்படுத்துகிறார்கள் . பிரவுசரும் கூட நாம் இணையத்தில் தேடுகின்ற , படிக்கின்ற விசயங்களையும் Cookies ஆக சேமித்து வைக்கிறது.
இணையதளத்தை நீங்கள் திறக்கும்போது , இணையதளமானது உங்களது பிரவுசருக்கு தகவலை அனுப்பும் . பின்னர் உங்களது பிரவுசர் ஒரு Text file ஐ உருவாக்கும் .அதில் login தகவல்கள் , பிரவுஸ் செய்கின்ற தகவல்கள் போன்றவை சேமிக்கப்பட்டிருக்கலாம்.
பின்னர் அதே இணையதளத்திற்கு மீண்டும் நீங்கள் செல்லும்போது உங்களது பிரவுசர் அந்த இணையதளத்திற்க்கான Cookies இருக்கிறதா என பார்க்கும் . அப்படி இருந்தால் Cookies Text File இல் இருக்கும் தகவல்களை இணையதள சர்வருக்கு அனுப்பும் .
