2023 ஆம் ஆண்டுக்கான பத்ம விருதுகள் பரிந்துரைகள் அனுப்ப இறுதிநாள் செப்டம்பர் 15.
பத்ம விருதுகள்
பத்ம விருதுகள் எனப்படும் பத்ம விபூஷன், பத்ம பூஷன் மற்றும் பத்மஸ்ரீ. இவை நாட்டின் உயரிய சிவிலியன் விருதுகளில் ஒன்றாகும். 1954 ஆம் ஆண்டு நிறுவப்பட்ட இந்த விருதுகள் ஒவ்வொரு ஆண்டும் குடியரசு தினத்தன்று அறிவிக்கப்படுகின்றன.
கலை, இலக்கியம் மற்றும் கல்வி, விளையாட்டு, மருத்துவம், சமூகப் பணி, அறிவியல் மற்றும் பொறியியல், பொது விவகாரங்கள், குடிமையியல், சேவை, வர்த்தகம் மற்றும் தொழில் போன்ற அனைத்துத் துறைகளிலும் சிறந்த சேவைக்காக இந்த விருது அளிக்கப்பட்டு வருகிறது.
இனம், தொழில், பதவி அல்லது பாலின வேறுபாடின்றி அனைத்து நபர்களும் இந்த விருதுகளுக்கு தகுதியுடையவர்கள். மருத்துவர்கள் மற்றும் விஞ்ஞானிகளைத் தவிர, பொதுத்துறை நிறுவனங்களில் பணிபுரிபவர்கள் உட்பட அரசு ஊழியர்கள் பத்ம விருதுகளுக்குத் தகுதியற்றவர்கள்.
மக்களின் பத்மா
பத்ம விருதுகளை “மக்களின் பத்மா” என்று மாற்ற அரசு முடிவு செய்துள்ளது. எனவே அனைத்து குடிமக்களும் சுய நியமனம் உட்பட அனைத்து விதமான பரிந்துரைகளையும் செய்யலாம்.
பரிந்துரைகளில் குறிப்பிடப்பட்டுள்ள பத்மா போர்டலில் உள்ள வடிவத்தில் குறிப்பிடப்பட்டுள்ள அனைத்து தொடர்புடைய விவரங்களும் இருக்க வேண்டும்.
இந்த விவரிப்பு வடிவத்தில் அதிகபட்சம் 800 வார்த்தைகள் பரிந்துரைக்கப்படும் நபரின் சிறப்பான சாதனைகள் மற்றும் சேவையை தெளிவாக குறிப்பிட வேண்டும்.
2023 ஆம் ஆண்டு குடியரசு தினத்தன்று அறிவிக்கப்படும் பத்ம விருதுகளுக்கான நிகழ்நிலை (online) பரிந்துரைகள் 2023 ஆம் ஆண்டு மே 1 ஆம் நாள் முதல் பெறப்பட்டு வருகிறது.இதற்கான கடைசி நாள் 15 செப்டம்பர் 2022 என்றும் அறிவிக்கப்பட்டுள்ளது.
இணையதளங்கள்
பத்ம விருதுகளுக்கான பரிந்துரைகள் தேசிய விருதுகள் இணையதளமான https://awards.gov.in இல் நிகழ்நிலையில் (online) மட்டுமே அனுப்ப இயலும்.
அனைத்து மத்திய அமைச்சகங்கள், மாநிலங்கள் மற்றும் யூனியன் பிரதேச அரசுகள், பாரத ரத்னா மற்றும் பத்ம விபூஷண் விருது பெற்றவர்கள், சிறந்த நிறுவனங்கள், திறமையான நபர்களை அடையாளம் காண ஒருங்கிணைந்த முயற்சிகளை மேற்கொள்ளுமாறு உள்துறை அமைச்சகம் கேட்டுக் கொண்டுள்ளது.
இது தொடர்பான கூடுதல் விவரங்கள் ‘விருதுகள் மற்றும் பதக்கங்கள்’ என்ற தலைப்பின் கீழ் உள்துறை அமைச்சகத்தின் இணையதளத்திலும் ( https://mha.gov.in ), பத்ம விருதுகள் போர்ட்டலிலும் ( https://padmaawards.gov.in ) கிடைக்கும்.
இந்த விருதுகள் தொடர்பான சட்டங்கள் மற்றும் விதிகள் இணையதளத்தில் https://padmaawards.gov.in/AboutAwards.aspx என்ற இணைப்பில் கிடைக்கும்.
