காதலை ஏற்க மறுத்ததால் மாணவியின் கழுத்தை அறுத்த இளைஞர் !

11ம் வகுப்பு படிக்கும் மாணவி காதலை ஏற்க மறுத்ததால் இளைஞர் ஒருவர் அந்த மாணவியின் கழுத்தை அறுத்துள்ளார்.

கொலை முயற்சி

ராணிப்பேட்டை, கலவை அருகே உள்ள சென்னசமுத்திரம் கிராமம் உள்ளது. இந்த ஊரை சேர்ந்த 11ம் வகுப்பு படிக்கும் மாணவியை அந்த பகுதியைச் சேர்ந்த விஜயகுமார் என்ற இளைஞர் ஒருதலையாக காதலித்து வந்ததாக கூறப்படுகிறது. இந்த காதல் விவகாரம் மாணவியின் குடும்பத்தினருக்கு தெரியவந்ததையடுத்து, அவரை உறவினர் வீட்டிற்கு அனுப்பி வைத்துள்ளனர். இதையடுத்து ஒரு மாதத்திற்குப் பிறகு மாணவி மீண்டும் சொந்த ஊர் திரும்பிய போது, மாணவியிடம் விஜயகுமார் பேச முயற்சித்துள்ளார். ஆனால் மாணவி பேச மறுத்ததால், விஜயகுமார் தான் மறைத்து வைத்திருந்த கத்தியால் மாணவியின் கழுத்தை அறுத்துள்ளார். இந்த சம்பவத்தில் படுகாயமடைந்த மாணவிக்கு தற்போது மருத்துவமனையில் தீவிர சிகிச்சை அளிக்கப்பட்டு வருகிறது. இந்த சம்பவம் தொடர்பாக ராணிப்பேட்டை காவல்நிலைய ஆய்வாளர் வழக்குப்பதிவு செய்து விசாரணை மேற்கொண்டு வருகின்றனர்.