நம்மில் பலருக்கும் வெளிநாடுக்கு சுற்றுலா செல்லும் ஆசை இருக்கும். ஆனால் அதற்கு ஆகும் செலவை நினைத்து அந்த ஆசையை ஓரங்கட்டி வைத்துவிடுவோம். ஆனால் குறைந்த செலவில் இந்தியாவில் இருந்து 5 மணிநேரத்தில் சுற்றுலா செல்ல முடிந்த ஒரு நாடு இருக்கிறது என்றால் நம்ப முடிகிறதா? வாருங்கள் தெரிந்துகொள்ளலாம்.
தென்கிழக்கு ஆசியாவின் பிரதான நிலப்பகுதியில் நிலத்தால் சூழப்பட்ட நாடு லாவோஸ் ஆகும். தென்கிழக்கு ஆசியாவில் கடற்கரை இல்லாத ஒரே நாடு இதுவாகும். இது வடக்கே சீனா, கிழக்கே வியட்நாம், தெற்கே கம்போடியா, மேற்கே தாய்லாந்து மற்றும் வடமேற்கே மியான்மர் (பர்மா) ஆகியவற்றைஎல்லையாக கொண்டுள்ளது.
லாவோஸ் தோராயமாக 236,800 சதுர கிலோமீட்டர் பரப்பளவைக் கொண்டுள்ளது. வடக்குப் பகுதி பரந்த மலைப்பகுதிகள், காடுகள் மற்றும் மலைகளால் சூழப்பட்டுள்ளது, நாட்டின் பெரும்பான்மையான பகுதிகள் மலைகள் மற்றும் காடுகளால் சூழப்பட்டுள்ளது. மீகாங் நதி நாட்டின் மேற்கு எல்லையை உருவாக்குகிறது, இது தாய்லாந்துடன் இணைக்கப்பட்டுள்ளது. இது நாட்டின் முக்கிய நீர்வழியாகும், மேலும் விவசாயம், மீன்பிடித்தல் மற்றும் போக்குவரத்துக்கு மிகவும் முக்கியமானது. மே முதல் நவம்பர் வரை பருவமழை காலம் மற்றும் டிசம்பர் முதல் ஏப்ரல் வரை வறண்ட காலமாக இருக்கும்.
2026 ஆம் ஆண்டின் நடுப்பகுதியில் லாவோஸின் மக்கள் தொகை 7.97 மில்லியனாக மதிப்பிடப்பட்டுள்ளது, இது உலகில் 103வது இடத்தில் உள்ளது. மக்கள் தொகை அடர்த்தி மிகக் குறைவு (சதுர கிலோமீட்டருக்கு சுமார் 35 பேர்), இது தென்கிழக்கு ஆசியாவில் மிகக் குறைந்த மக்கள் அடர்த்தி கொண்ட நாடுகளில் ஒன்றாகும்.
லாவோஸின் கலாச்சாரம் புத்த மதத்தை அடிப்படையாகக் கொண்டது. இங்கு புத்த மதம் முக்கிய மதமாகும். நாடு முழுவதும் ஆயிரக்கணக்கான புத்த கோவில்கள் உள்ளன, குறிப்பாக லுவாங் பிரபாங்கில் யுனெஸ்கோவால் உலக பாரம்பரிய தளமாக அறிவிக்கப்பட்டுள்ளது. இங்குள்ள மக்கள் அமைதியான மற்றும் எளிமையான வாழ்க்கையை வாழ்கின்றனர்.
லாவோஸ் ஒரு வளர்ந்து வரும் நாடாகும். முக்கிய பொருளாதாரத் துறை விவசாயம், மக்கள் தொகையில் 80% பேர் விவசாயத்தை நம்பியுள்ளனர். முக்கிய பயிர்களில் அரிசி, சோளம், காபி, புகையிலை மற்றும் பருத்தி ஆகியவை அடங்கும். இது சீனா மற்றும் தாய்லாந்திற்கு மின்சாரத்தை வழங்குகிறது. இந்த மின்சாரம் நீரில் இருந்து தயாரிக்கப்படுகிறது.சுற்றுலாத் துறை வேகமாக வளர்ந்து வருகிறது, 2026 ஆம் ஆண்டுக்குள் 5–6 மில்லியன் சுற்றுலாப் பயணிகளை (சீனாவிலிருந்து 2 மில்லியன்) ஈர்க்கும் இலக்குடன், சீனா-லாவோஸ் ரயில் பாதை இணைப்பு மேம்படுத்தப்பட்டுள்ளது.
மீகாங் ஆற்றின் கரையில் அமைந்துள்ள லாவோஸ், அதன் இயற்கை அழகு, அமைதியான கலாச்சாரம், புத்த கோவில்கள், மீகாங் நதி மற்றும் லுவாங் பிரபாங் போன்ற பாரம்பரிய தளங்களால் உலகம் முழுவதிலுமிருந்து சுற்றுலாப் பயணிகளை ஈர்க்கிறது. ரயில்வே, மின்சாரம் மற்றும் சுற்றுலா மூலம் எதிர்காலத்தில் பொருளாதார வளர்ச்சி துரிதப்படுத்தப்படும் என எதிர்பார்க்கப்படுகிறது. இந்த நாடு சுற்றுலா செல்வதற்கு உகந்த உலகின் மலிவான நாடுகளில் ஒன்றாகும்.