டோவினோ தாமஸ் நடித்து வரும் 2493 எப்.டி. என்ற படத்தில் மர்ம நபர்கள் சிலர் தாக்குதல் நடத்தியுள்ளனர்.
தாக்குதல்
மலையாள சினிமாவில் முன்னணி நடிகராக வலம் வருபவர் டோவினோ தாமஸ். இவர் நடிப்பில் சமீபத்தில் வாஷி என்ற படம் வெளியாகி வரவேற்பை பெற்றுள்ளது. தனுஷ் நடித்த மாரி 2 படத்தில் வில்லனாக நடித்ததின் மூலம் தமிழில் பிரபலமானார். டோவினோ தாமஸ் தற்போது ஓம் சாந்தி ஓஷானா, ஒரு முத்தாசி கதா, சாராஸ் போன்ற படங்களை இயக்கிய ஜூட் ஆண்டனி ஜோசப் இயக்கத்தில் 2493 எப்.டி. என்ற படத்தில் நடித்து வருகிறார்.
இப்படத்தின் படப்பிடிப்பு கோட்டயம் அருகில் நடைபெற்று வருகிறது. அந்த படப்பிடிப்பில் நுழைந்த சில முகமூடி நபர்கள் அனைவரையும் கடுமையாக தாக்கினர். இதில் மிதுன் ஜித் என்ற மேக்கப் மேன் படுகாயம் அடைந்தார்.