தெலுங்கு திரையுலகில் முன்னணி நடிகராக இருப்பவர் பாலையா.
இவர் தெலுங்கு திரையுகில் இதுவரை 100-க்கும் மேற்பட்ட படங்களில் நடித்துள்ளார்.
சமீபத்தில் சிறந்த தெலுங்கு திரைப்படத்திற்கான தேசிய விருதை இவரது நடிப்பில் வெளிவந்த பகவந்த் கேசரி படத்திற்கு வாங்கினார்.
கடந்த 2021ம் ஆண்டு போயபதி சீனு இயக்கத்தில் அகண்டா என்ற படத்தில் நடித்திருந்தார்.
இப்படம் 2021ம் ஆண்டு வெளியான தெலுங்குப் படங்களில் அதிக வசூல் செய்த ஒன்றாக அமைந்தது.
இதில் பிரக்யா ஜெய்ஸ்வால் ஜகபதி பாபு பூர்ணா அவினாஷ் விஜி சந்திரசேகர் உள்ளிட்டோர் நடித்திருந்தனர்.
இந்த படத்தின் மாபெரும் வரவேற்பினைத் தொடர்ந்து 2ம் பாகம் உருவாகி உள்ளது.
முதல் பாகத்தில் பணிபுரிந்த தொழில்நுட்பக் குழுவினரே இரண்டாம் பாகத்திலும் பணிபுரிந்துள்ளனர்.
இந்த படத்திற்கு தமன் இசையமைத்துள்ளார்.
இதனை தொடர்ந்து இப்படம் டிசம்பர் மாதம் 5ம் தேதி வெளியாகும் என படக்குழு அதிகாரப்பூர்வமாக அறிவித்தது.
இதையடுத்து படத்தின் ப்ரோமோஷன் பணிகள் விறுவிறுப்பாக நடைபெற்று வருகிறது.
இந்த நிலையில் அகண்டா-2 தாண்டவம் படத்தின் டீசர் வெளியாகி உள்ளது.
டீசர் இணையத்தில் வைரலாகி வருகிறது.