இரவின் நிழல் படத்தில் நான் நடித்திருக்கும் கதாபாத்திரம் மிகவும் புனிதமானது என்று நடிகை பிரிகிடா கூறியுள்ளார்.
இரவின் நிழல்
பார்த்திபன் இயக்கி நடித்திருக்கும் படம் இரவின் நிழல். அகிரா புரொடக்ஷன்ஸ் தயாரித்துள்ள இந்த படம் உலகின் முதல் நான் லீனியர் சிங்கிள் ஷாட் திரைப்படமாக எடுக்கப்பட்டுள்ளது. ஏற்கனவே பத்திரிக்கையாளர்களுக்கு திரையிட்டு காட்டப்பட்ட இத்திரைப்படம் விமர்சன ரீதியாக நல்ல வரவேற்பை பெற்றுள்ளது. இந்நிலையில், இரவின் நிழல் இன்று திரையரங்கில் வெளியாகியுள்ளது.
நிர்வாணக் காட்சி
இந்த படத்தில் முக்கிய கதாபாத்திரத்தில் பிரிகிடா நடித்துள்ளார். இவர் ‘ஆஹா கல்யாணம்’ என்ற வெப் சீரிஸில் பவி டீச்சர் என்ற கதாபாத்திரம் மூலம் பிரபலமானவர். மேலும், இரவின் நிழல் படத்தில் நிர்வாணக் காட்சி ஒன்றில் பிரிகிடா நடித்துள்ளார். இது குறித்து பேட்டி ஒன்றில் கூறிய அவர், ‘இரவின் நிழல் படத்தில் என்னுடைய கதாபாத்திரத்திற்கு நிர்வாணக் காட்சி தேவைப்பட்டது. இதற்காக நானும், பார்த்திபன் சாரும் எனது பெற்றோரிடம் பேசி சம்மதிக்க வைத்தோம். மேலும், இரவின் நிழல் படத்தில் நான் நடித்திருக்கும் நிர்வாண காட்சி ஆபாசமாக இருக்காது’ என்று பிரிகிடா கூறியுள்ளார்.