ஒவ்வொரு ஆண்டும் மில்லியன் கணக்கான பக்தர்கள் இமயமலை வழியாக தெற்கு காஷ்மீரில் உள்ள அமர்நாத் ஆலயத்தில் உள்ள பனி லிங்கத்தில் தனித்துவமான வடிவத்தில் இருப்பதாக நம்பப்படும் சிவபெருமானை தரிசிக்க புனித பயணம் மேற்கொள்கிறார்கள்.
இந்த குகை 3,888 மீட்டர் (12,756 அடி) உயரத்தில் அமைந்துள்ளது. லிடர் பள்ளத்தாக்கில் அமைந்துள்ள குகை, பனிப்பாறைகள் மற்றும் பனி மலைகளால் சூழப்பட்டுள்ளது.
கோவிட் நோய் பரவல் காரணமாக கடந்த இரண்டு ஆண்டுகளாக யாத்திரை நடைபெறவில்லை மற்றும் 2019 ஆம் ஆண்டில் ஜம்மு மற்றும் காஷ்மீரின் சிறப்பு அந்தஸ்தை ரத்து செய்ய 370 வது பிரிவை மத்திய அரசு ரத்து செய்தபோது இந்த புனித பயணம் நிறுத்தப்பட்டது.
இந்நிலையில் 2022 ஆம் ஆண்டு அமர்நாத் யாத்திரைக்கான பதிவு இன்று தொடங்குகிறது. கோவிட் -19 தொற்றுநோய் காரணமாக இரண்டு வருட இடைநிறுத்தத்திற்குப் பிறகு, வருடாந்திர அமர்நாத் யாத்ரா 2022 ஜூன் 30 ஆம் தேதி தொடங்கி ஆகஸ்ட் 11 ஆம் தேதி முடிவடையும் என்று ஸ்ரீ அமர்நாத்ஜி ஆலய வாரியத்தின் தலைமை நிர்வாக அதிகாரி நிதிஷ்வர் குமார் வியாழக்கிழமை தெரிவித்தார்.
அமர்நாத் யாத்திரைக்கு நீங்கள் எவ்வாறு பதிவு செய்யலாம் ?
*ஸ்ரீ அமர்நாத்ஜி ஆலய வாரியத்தின் (SASB) அதிகாரப்பூர்வ இணையதளத்திற்குச் செல்லவும்.
*அமர்நாத் யாத்திரை 2022 பதிவுக்கான இணைப்பைக் கிளிக் செய்யவும்
*2022 அமர்நாத் யாத்திரைக்கான உங்கள் நுழைவை பதிவு செய்யவும்
* நாடு முழுவதும் ஜம்மு காஷ்மீர் வங்கி, பிஎன்பி வங்கி, யெஸ் வங்கி மற்றும் எஸ்பிஐ வங்கியின் கிளைகளில் யாத்ராவிற்கான பதிவு தொடங்கும்.
யாத்ரீகர்களுக்கு RFID (ரேடியோ அதிர்வெண் அடையாளம்) குறிச்சொற்கள் வழங்கப்படும். இது அவர்களின் இயக்கங்களைப் பின்பற்ற ஆலய குழுவை அனுமதிக்கும். இந்த ஆண்டு பக்தர்கள் காப்பீடு தொகை ₹3 லட்சத்தில் இருந்து 5 லட்சமாக உயர்ந்துள்ளது.
ஒவ்வொரு ஆண்டும் லட்சக் கணக்கான பக்தர்கள் இமயமலை வழியாக தெற்கு காஷ்மீரில் உள்ள ஸ்ரீ அமர்நாத்ஜி கோவிலுக்கு மலையேறுகிறார்கள். தனித்துவமான பனி லிங்க வடிவில் வீற்றிருக்கும் சிவபெருமானை தரிசனம் செய்தால் ஏராளமான நன்மைகள் நடைபெறும் என நம்பப்படுகிறது.
