நயன்தாரா படம்
‘நேரம்’ திரைப்படத்தின் மூலம் இயக்குனராக அறிமுகமானவர் அல்போன்ஸ் புத்திரன். மலையாளத்தில் இவர் இயக்கிய ‘பிரேமம்’ திரைப்படம் பெரும் வரவேற்பை பெற்றது. அதனைத்தொடர்ந்து 7 ஆண்டுகளுக்கு பிறகு அல்போன்ஸ் புத்திரன் ‘கோல்டு’ என்ற படத்தை இயக்கியுள்ளார். இதில் பிருதிவிராஜ் கதாநாயகனாக நடிக்க, நயன்தாரா கதாநாயகியாக நடித்துள்ளார். இப்படம் கடந்த செப்டம்பர் வெளியாகும் என அறிவிக்கப்பட்டது. பின்னர் சில காரணங்களால் ரிலீஸ் தேதி மாற்றப்பட்டது. அதனையடுத்து மீண்டும் தமிழ், மலையாளம் மொழிகளில் நேற்று வெளியாகும் என அறிவிக்கப்பட்டது.
புதிய சிக்கல்
இந்நிலையில், கேரளாவில் ‘கோல்டு’ திரைப்படம் திட்டமிட்டபடி நேற்று வெளியானது. ஆனால் தமிழில் இப்படம் நேற்று திரையிடல் நிறுத்தப்பட்டது. கடைசி நேரத்தில் தணிக்கையாவதில் தாமதம் ஏற்பட்டதால் படம் வெளியாவதில் சிக்கல் ஏற்பட்டதாக கூறப்படுகிறது. இதனால் படத்திற்கு முன்பதிவு செய்த ரசிகர்களுக்கு கட்டணம் திருப்பி கொடுக்கப்பட்டது. ‘கோல்டு’ படம் இன்றும் குறைவான திரையரங்குகளில் மட்டுமே வெளியாகியுள்ளது குறிப்பிடத்தக்கது.