ட்விட்டர் பதிவு
தளபதி விஜய் தற்போது இயக்குனர் வம்சி பைடிப்பள்ளி இயக்கத்தில் உருவாகியுள்ள ‘வாரிசு’ திரைப்படத்தில் நடித்து முடித்துள்ளார். இப்படத்தில் நடிகை ராஷ்மிகா மந்தனா கதாநாயகியாக நடிக்க, ஷாம், யோகி பாபு, பிரகாஷ்ராஜ், சரத்குமார் உள்ளிட்ட பலரும் முக்கிய கதாபாத்திரங்களில் நடித்துள்ளனர். இந்த படம் பொங்கலுக்கு திரையரங்குகளில் வெளியாகவுள்ளது. இதனையடுத்து விஜய்யின் 67-வது படத்தை இயக்குனர் லோகேஷ் கனகராஜ் இயக்கவுள்ளதாக கூறப்படுகிறது. இதனிடையே தளபதி 67 படத்தின் படப்பிடிப்பு இன்று தொடங்கியுள்ளதாக நடிகர் மனோபாலா நேற்று தனது ட்விட்டர் பக்கத்தில் பதிவிட்டார். இந்த பதிவு ரசிகர்களிடையே கவனம் பெற்றது.
இந்நிலையில், மனோபாலா தனது ட்விட்டர் பதிவை நீக்கிவிட்டு, ‘என் ட்வீட்டை நீக்கிவிட்டேன் என்னை மன்னியுங்கள்’ என மற்றோரு பதிவை வெளியிட்டுள்ளார்.