கைதி 2 படம் எப்போது தொடங்கும்? நடிகர் கார்த்தி தகவல் !

கைதி 2 படம் எப்போது தொடங்கும் என்பது குறித்து நடிகர் கார்த்தி தகவல் தெரிவித்துள்ளார்.

கைதி 2 அப்டேட்

லோகேஷ் கனகராஜ் இயக்கத்தில் கார்த்தி நடிப்பில் கடந்த 2019ம் ஆண்டு வெளியான திரைப்படம் கைதி. இந்த படம் பெரும் வெற்றி பெற்றதோடு, விமர்சன ரீதியாகவும் நல்ல வரவேற்பை பெற்றது. இதனையடுத்து ரசிகர்கள் மத்தியில் கைதி 2 படத்தின் மீதான எதிர்பார்ப்பு அதிகரிக்க தொடங்கியது. இதனிடையே சமீபத்தில் லோகேஷ் கனகராஜ் இயக்கத்தில் வெளியான விக்ரம் படத்தில் கைதி படத்தின் காட்சிகள் இடம்பெற்றது இதனால் கைதி-2 படம் எப்போது தொடங்கும் என்ற கேள்வியை ரசிகர்கள் எழுப்ப தொடங்கினர்.

இந்நிலையில், விருமன் படத்தின் ப்ரொமோஷன் பணிகளில் இருக்கும் நடிகர் கார்த்தி நிகழ்ச்சி ஒன்றில் கலந்துகொண்டார். அப்போது கார்த்தியிடம் கைதி -2 படம் எப்போது தொடங்கப்படும் என்று கேள்வி எழுப்பப்பட்டது. அதற்கு ‘அடுத்த ஆண்டு கைதி -2 திரைப்படம் தொடங்கும்’ என்று கூறியுள்ளார்.