2017 ல் வெளியாகி வெற்றிப்பெற்ற மாநகரம் திரைப்படம் மூலம் தமிழ் திரை உலகிற்கு இயக்குனராக அறிமுகமானவர் லோகேஷ் கனகராஜ். இவர் இயக்கி கார்த்தி நடிப்பில் வெளியான கைதி பட வெற்றியை தொடர்ந்து விஜய் நடித்த மாஸ்டர் படத்தையம் இயக்கினார். இதன்மூலம், தமிழ் சினிமாவின் தவிர்க்க முடியாத இயக்குநர்களுள் ஒருவரானார். கமலின் தீவிர ரசிகரான இவர் இப்போது கமல் நடிப்பில் விக்ரம் திரைப்படத்தை இயக்கியுள்ளார். இது தனது வாழ்நாள் கனவு என்றும் குறிப்பிட்டுள்ளார்.
இந்நிலையில், இன்று பிறந்தநாள் கொண்டாடும் லோகேஷ் கனகராஜ்க்கு ட்விட்டரில் வாழ்த்து தெரிவித்துள்ள கமல்ஹாசன், அதில் விக்ரம் ஷுட்டிங்கின் போது லோகேஷ் கனகராஜுடன் எடுத்த பிளாக் அண்ட் ஒயிட் போட்டோ ஒன்றை பகிர்ந்துள்ளார். ரசிகராகத் தொடங்கி இயக்குனராக வளர்ந்து இன்று சகோதரராக மாறியிருக்கும் டைரக்டர் லோகேஷ் கனகராஜிற்கு இனிய பிறந்தநாள் நல்வாழ்த்துக்கள் என தெரிவித்துள்ளார்.
ரசிகராகத் தொடங்கி இயக்குனராக வளர்ந்து இன்று சகோதரராக மாறியிருக்கும் @Dir_Lokesh -க்கு இனிய பிறந்த நாள் நல்வாழ்த்துக்கள். pic.twitter.com/5mUMEL7CGP
— Kamal Haasan (@ikamalhaasan) March 13, 2022
மேலும், பிறந்தநாளை முன்னிட்டு விக்ரம் படத்தின் வெளியீட்டு தேதி ஜூன் 3 என்றும் பதிவிட்டுள்ளார். இதற்கு ட்விட்டரில் பதிலளித்த லோகேஷ் கனகராஜ், இதை விட சிறந்த பிறவி பலன் வேறொன்றும் இல்லை. நன்றி ஆண்டவரே என குறிப்பிட்டுள்ளார். விக்ரம் பட இயக்குனர் லோகேஷை வாழ்த்தி கமல்ஹாசன் இட்ட பதிவு சமூக வலைத்தளங்களில் அதிகளவில் பகிரப்பட்டுவருகிறது.
