இந்தியாசமூகம்வணிகம்

பீகார் மாநிலத்தில் போலி காவல் நிலையம் – 5 நபர்கள் கைது !

பீகார் மாநிலத்தில் காவல்துறைக்கே தெரியாமல் பீகாரில் போலி காவல் நிலையம் செயல்பட்டு வந்துள்ளது.

போலி காவல் நிலையம்

இது தொடர்பாக காவல்துறைக்கு கிடைத்த ரகசிய தகவலின் அடிப்படையில் உண்மையான போலீசார் விசாரணை செய்தனர். அப்போது, காவல் நிலையத்தில் சுமார் ஐந்து பேர் போலி காவல் சீருடையில் பணியில் இருந்துள்ளனர். அவர்களை விசாரித்த போது தங்களை போலா யாதவ் என்பவர் தேர்ந்தெடுத்ததாகவும், இதற்காக அவருக்கு 70,000 ரூபாய் லஞ்சம் கொடுத்ததாகவும் கூறியுள்ளனர். போலி போலீசாருக்கு நாள் தோறும் 500 ரூபாய் சம்பளமாக வழங்கப்பட்டுள்ளது. பாட்னா ஸ்க்வாட் டீம் எனப் பெயர் வைத்துக்கொண்டு அரசு கட்டுமானங்களுக்குச் சென்று விசாரணை நடத்தி பணம் வசூலிப்பது, சிறு வியாபாரம் செய்வோர் ஆகியோரிடமும் பணம் வசூலிப்பது போன்ற செயலில் ஈடுபட்டு வருகின்றனர். இதனையடுத்து அந்த ஐவரை கைது செய்த போலீசார் அவர்களின் பாட்ச்கள், சீருடைகள், கைத்துப்பாக்கிகள் ஆகியவற்றை பறிமுதல் செய்தனர். மேலும் முக்கிய குற்றவாளியான போலா யாதவை தேடி வருகின்றனர். இச்சம்பவம் நாடு முழுவதும் பெரும் பரபரப்பை ஏற்பட்டுள்ளது.

Related posts