ரஜினி நடித்து வரும் ஜெயிலர் படக்காட்சி தற்போது சமூக வலைதளத்தில் வெளியாகி படக்குழுவினரை அதிர்ச்சியில் ஆழ்த்தியுள்ளது.
ஜெயிலர் படக்காட்சி
டாக்டர், பீஸ்ட் படங்களை அடுத்து இயக்குனர் நெல்சன் திலீப்குமார், ரஜினிகாந்தின் 169-வது படத்தை இயக்கி வருகிறார். ஜெயிலர் என பெயரிடப்பட்டுள்ள இப்படத்தை சன் பிக்சர்ஸ் நிறுவனம் தயாரித்து வருகிறது. மேலும், அனிருத் இசையமைக்க, ரம்யா கிருஷ்ணன், யோகிபாபு, வசந்த் ரவி மற்றும் மலையாள நடிகர் விநாயகன் ஆகியோர் முக்கிய வேடங்களில் நடிக்கிறார்கள். இந்நிலையில், ஜெயிலர் படத்தின் படப்பிடிப்பு எண்ணூரில் நடைபெற்றது. அப்போது படப்பிடிப்பு தளத்தில் ரஜினிகாந்த் பங்குபெறும் காட்சியை திருட்டுத்தனமாக படம் பிடித்து யாரோ இணையத்தில் வெளியிட்டுள்ளனர். அந்த காட்சி தற்போது வைரலாகி வருகிறது.
