மும்பையில் நடைபெறும் தி கிரே மேன் படத்தின் பிரீமியர் நிகழ்ச்சியில் கலந்து கொள்வதற்காக இயக்குனர்களான ரூசோ பிரதர்ஸ் இந்தியா வருகின்றனர்.
இந்தியா வருகை
ரூசோ பிரதர்ஸ் இயக்கத்தில் தனுஷ் நடிப்பில் உருவாகியிருக்கும் ஆங்கில படம் தி கிரே மேன். இந்த படம் வரும் 22ம் தேதி நேரடியாக நெட்பிளிக்ஸ் ஓடிடி தளத்தில் வெளியாகும் என்று அறிவிக்கப்பட்டுள்ளது. இதனால் படக்குழுவினர் படத்தின் ப்ரோமோஷன் பணிகளில் ஈடுபட்டு வருகிறார்கள். இதன்தொடர்ச்சியாக மும்பையில் தி கிரே மேன் படத்தின் பிரீமியர் நிகழ்ச்சி நடைபெறவிருக்கிறது. இந்த நிகழ்ச்சியில் கலந்து கொள்ள இயக்குனர்கள் ரூசோ பிரதர்ஸ் இந்தியா வருவதாக அறிவித்துள்ளார்கள். மேலும், இந்தியா வருவதில் எங்களுக்கு மகிழ்ச்சி என்றும் தெரிவித்துள்ளனர்.
தி கிரே மேன்
இதனையடுத்து ‘தி கிரே மேன் திரைப்படம் ஒரு ரோலர் கோஸ்டர் அனுபவமாக இருக்கும். மேலும், இந்த திரைப்படத்தில் எனக்கு நடிக்க வாய்ப்பு அளித்ததற்கு நன்றி’ என்று நடிகர் தனுஷ் தெரிவித்துள்ளார். தனுஷ் முதன் முறையாக நடித்திருக்கும் ஆங்கில படம் என்பதால் ரசிகர்கள் மத்தியில் எதிர்பார்ப்பு அதிகரித்துள்ளது.