திருவனந்தபுரத்தில் நடைபெறும் 30வது தென்மண்டல கவுன்சிலில் பங்கேற்க முதலமைச்சர் மு.க. ஸ்டாலின் கேரளா பயணம் மேற்கொள்ள உள்ளார்.
கேரளா பயணம்
திருவனந்தபுரத்தில் 30வது தென்மண்டல கவுன்சில் கூட்டம் நடைபெற உள்ளது. இந்த கூட்டத்தில் கலந்துகொள்ள மு.க. ஸ்டாலின் வருகிற செப்டம்பர் 3ம் தேதி கேரளா பயணம் மேற்கொள்ள உள்ளார். தென்மண்டல கவுன்சில் என்பது தமிழ்நாடு, ஆந்திரா, தெலங்கானா, கேரளா, கர்நாடகா, புதுச்சேரி, லட்சத்தீவுகள், அந்தமான் – நிக்கோபார் தீவுகளை உள்ளடக்கியது . இந்த கூட்டத்தின் வாயிலாக அண்டை மாநிலங்களுக்கிடையே உள்ள பிரச்சனைகள் குறித்து விரிவாக விவாதிக்கப்படும். குறிப்பாக முல்லைப் பெரியாறு, காவிரி உள்ளிட்ட பிரச்சனைகள் நிலவி வரும் நிலையில், அந்த கூட்டத்தின் வாயிலாக தமிழகத்தின் உரிமைகளை நிலைநிறுத்தக்கூடிய நடவடிக்கைகளில் தமிழக முதலமைச்சர் மு.க. ஸ்டாலின் ஈடுபடுவார். அந்த வகையில் இந்த கூட்டம் முக்கியத்துவம் வாய்ந்ததாக பார்க்கப்படுகிறது.