துணை நடிகர்
வெண்ணிலா கபடி குழு, நான் மகான் அல்ல, குள்ளநரி கூட்டம் உள்ளிட்ட படங்களில் துணை நடிகராக நடித்து பிரபலமானவர் நடிகர் ஹரி வைரவன். இவர் இயக்குனர் சுசீந்திரன் இயக்கத்தில் கடந்த 2009ம் ஆண்டு வெளியான ‘வெண்ணிலா கபடி குழு’ படத்தில் இடம்பெறும் பரோட்டா காமெடியில் நடிகர் சூரியுடன் இணைந்து நடித்திருந்தது குறிப்பிடத்தக்கது. இவர் கடந்த சில மாதங்களாக உடல்நலக்குறைவு காரணமாக சிகிச்சை பெற்று வந்ததாக கூறப்படுகிறது.
இந்நிலையில், நடிகர் ஹரி வைரவன் நேற்று நள்ளிரவு 12.15 மணியளவில் காலமானார். இவரின் மறைவுக்கு திரைத்துறையினர் பலரும் தங்களது இரங்கலை தெரிவித்து வருகின்றனர். 38 வயதான இவருக்கு 2 வயது குழந்தை உள்ளது குறிப்பிடத்தக்கது.