துணிவு – வாரிசு
ஜில்லா, வீரம் படங்களை அடுத்து 9 ஆண்டுகளுக்கு பிறகு தற்போது நடிகர் விஜய் நடித்துள்ள வாரிசு படமும், அஜித் நடிப்பில் உருவாகியுள்ள துணிவு படமும் ஒரே நாளான நாளை வெளியாகவுள்ளது. மேலும், இரண்டு படங்களின் பாடல்கள் மற்றும் ட்ரைலர்கள் அடுத்தடுத்து வெளியாகி வைரலானது. இதனால் இருவரின் ரசிகர்கள் மத்தியிலும் பெரும் எதிர்பார்ப்பு உருவாகியுள்ளது. இதனிடையே இத்திரைப்படங்களின் டிக்கெட் முன்பதிவு தொடங்கி பரபரப்பாக நடைபெற்று வருகிறது.
நீதிமன்றம்
இந்நிலையில், வாரிசு மற்றும் துணிவு திரைப்படங்களை இணையதளங்களில் சட்டவிரோதமாக வெளியிட தடை விதிக்கக் கோரி அந்தந்த தயாரிப்பு நிறுவனங்கள் சார்ப்பில் சென்னை உயர் நீதிமன்றத்தில் மனு தாக்கல் செய்யப்பட்டது. அதன்படி இந்த மனுக்களை விசாரித்த நீதிபதி, வாரிசு, துணிவு படங்களை சட்ட விரோதமாக வெளியிட 2,754 இணையதள பக்கங்களுக்கு தடை விதித்து உத்தரவிட்டார்.