சிம்பு நடித்துள்ள வெந்து தணிந்தது காடு திரைப்படத்தின் வெளியீட்டு உரிமையை உதயநிதியின் ரெட் ஜெயன்ட் மூவிஸ் நிறுவனம் பெற்றுள்ளது.
விண்ணைத்தாண்டி வருவாயா, அச்சம் என்பது மடமையடா படங்களை அடுத்து இயக்குனர் கவுதம் மேனன் மற்றும் சிம்பு இணைந்து பணியாற்றும் படம் வெந்து தணிந்தது காடு. வேல்ஸ் பிலிம் இன்டர்நேஷனல் தயாரித்துள்ள இத்திரைப்படத்தில் ஏ.ஆர்.ரகுமான் இசையமைத்துள்ளார். இந்த படத்தின் இரண்டு பாடல்கள் ஏற்கனவே வெளியாகி ரசிகர்களிடையே நல்ல வரவேற்பை பெற்றது.
மாநாடு படத்தின் வெற்றியை அடுத்து சிம்பு நடிப்பில் உருவாகியிருக்கும் ‘வெந்து தணிந்தது காடு’ படம் மக்களிடையே பெரும் எதிர்ப்பார்ப்பை ஏற்படுத்தியுள்ளது. செப்டம்பர் 15ம் தேதி வெளியாகும் வெந்து தணிந்தது காடு படத்தை உதயநிதியின் ஜெயன்ட் மூவிஸ் நிறுவனம் வெளியிடுகிறது. சமீபத்தில் இந்த நிறுவனம் வெளியிட்ட விக்ரம் படம் பெரிய வசூல் சாதனை செய்தது குறிப்பிடத்தக்கது.