வரதட்சணை முறையின் நன்மைகளை பட்டியலிடும் புத்தகப் பக்கத்தின் படம் சமூக ஊடகங்களில் வைரலாகி வருகிறது, இது போன்ற வாசிப்புப் பொருட்கள் இளைஞர்களுக்கும் சமூகத்திற்கும் பெண்களுக்கு எதிரான வன்முறையையும் வரதட்சணை கொடுமைக்கு நியாயத்தையும் கற்பித்து மக்களைத் தூண்டுகிறது.
T K இந்திராணியின் செவிலியர்களுக்கான சமூகவியல் பாடப்புத்தகத்திலிருந்து பல சமூக ஊடக பயனர்கள் கூறியுள்ள பக்கத்தில், “வரதட்சணையின் சிறப்புகள்” என்ற துணைத் தலைப்பின் கீழ் ஒரு பகுதியைக் கொண்டுள்ளது. இந்த புத்தகம் நர்சிங் மாணவர்களுக்கான வாசிப்புப் பொருளாகும், அதன் அட்டையில் ”இந்திய நர்சிங் கவுன்சில் பாடத்திட்டத்தின்படி எழுதப்பட்டுள்ளது” என்று குறிப்பிடப்பட்டுள்ளது .
பக்கத்தின் படத்தைப் பகிர்ந்த சமூக ஊடக பயனர்- சிவசேனா தலைவரும் ராஜ்யசபா எம்பியுமான பிரியங்கா சதுர்வேதி, கல்வி அமைச்சர் தர்மேந்திர பிரதானை டேக் செய்து இந்த புத்தகத்தை புழக்கத்தில் இருந்து நீக்குமாறு அழைப்பு விடுத்தார். எங்கள் பாடத்திட்டத்தில் அவை இருப்பது “அவமானம்” என்றும் அடிக்கோடிட்டுக் காட்டியுள்ளார்.
”மரச்சாமான்கள், குளிர்சாதனப் பெட்டிகள் மற்றும் வாகனங்கள் போன்ற உபகரணங்களுடன் “புதிய குடும்பத்தை நிறுவுவதற்கு வரதட்சணை உதவியாக இருக்கும்” என்று புத்தகத்தின் பகுதி கூறுகிறது.
அதுமட்டும் இல்லாமல், வரதட்சணை முறை பெற்றோர் சொத்துக்களில் பெண்கள் பங்கு பெறுவதற்கான நடைமுறைகளில் ஒன்று என்று பட்டியலிடுகிறது.
பக்கத்தின் கடைசி புள்ளி வரதட்சணை முறை “அசிங்கமான பெண்களை” திருமணம் செய்ய உதவும் என்று கூறுகிறது.
வரதட்சணை தடைசெய்யப்பட்ட போதிலும் தொடர்ந்து வரதட்சணை கேட்டு பெண்கள் துன்புறுத்தப்படுவதும், உடல் ரீதியாக தாக்கப்படுவதும், கொல்லப்படுவதும், தற்கொலைக்கு தள்ளப்படுவதும் நடந்து கொண்டு தான் இருக்கின்றன.
இதை நியாயப்படுத்தும் கருத்துகள் பாடப்புத்தகம் வரை வந்திருப்பது நாடு பின்நோக்கி வேகமாக சென்று கொண்டிருக்கிறது என்பதற்கு சிறந்த அடையாளம்.
