மருத்துவமனையில் அனுமதி
இந்திய பிரதமர் நரேந்திர மோடியின் தாயார் ஹீராபென் மோடி குஜராத் மாநிலம் காந்தி நகரில் உள்ள தனது இளைய மகன் பங்கஜ் மோடியின் வீட்டில் வாழ்ந்து வந்தார். நரேந்திர மோடி அவ்வப்போது தனது தாயாரை சந்தித்து வந்தார். இதனிடையே சமீபத்தில் ஹீரா பென் மோடி உடல்நலக்குறைவு காரணமாக அகமதாபாத் தனியார் மருத்துவமனையில் அனுமதிக்கப்பட்டார்.
மறைவு
இதனால் பிரதமர் மோடி நேற்று முன் தினம் அகமதாபாத் சென்று தாயாரின் உடல் நலம் குறித்து மருத்துவர்களிடம் விசாரித்தார். ஹீராபென் மோடியின் உடலில் முன்னேற்றம் இருப்பதாக மருத்துவமனை தரப்பில் கூறப்பட்டது. இந்நிலையில், ஹீரா பென் மோடி இன்று அதிகாலை காலமானார். இதனை பிரதமர் நரேந்திர மோடி தனது ட்விட்டர் பக்கத்தில் குறிப்பிட்டுள்ளார்.
