கொடுத்த கடனை திருப்பி கேட்டவரை வெட்ட முயன்ற திமுக பெண் கவுன்சிலர் கணவர். இந்த வீடியோ சமூகவலைத்தளத்தில் வேகமாக பரவி வருகிறது.
திமுக கவுன்சிலர் கணவர்
திருச்சி, மண்ணச்சநல்லூர் அருகே தழுதாளப்பட்டி ஊராட்சி ஒன்றிய திமுக கவுன்சிலராக இருப்பவர் நித்தியா கணவர் வெற்றிச்செல்வன். இதே பகுதியை சேர்ந்த குணசேகரன் என்பவரிடம் 2 லட்சம் ரூபாய் கடன் பெற்றுள்ளார். பல வருடங்கள் கடந்தும் வெற்றிச்செல்வன் கடனை திருப்பி கொடுக்காமல் குணசேகரனை அலைக்கழித்தும் காலம் தாழ்த்தி வந்துள்ளார். இதனால் மனவேதனை அடைந்த குணசேகரன் இன்று வெற்றிச்செல்வன் வீட்டிற்கு சென்று கொடுத்த பணத்தை திரும்ப கேட்டுள்ளார். அப்போது, வீட்டில் மதுபோதையில் இருந்த வெற்றிச்செல்வன், குணசேகரனை தகாத வார்த்தைகளால் திட்டி வீட்டில் இருந்த அரிவாளை எடுத்து குணசேகரனை வெட்ட முயன்றுள்ளார். இந்த சம்பவம் தொடர்பாக சிறுகனூர் காவல்துறையினர் விசாரணை மேற்கொண்டு வருகின்றனர். மேலும், இந்த வீடியோ சமூகவலைத்தளத்தில் வேகமாக பரவி வருகின்றது.