மிர்சி சிவா நடிப்பில் உருவாகியிருக்கும் காசேதான் கடவுளடா திரைப்படத்தின் ரிலீஸ் தேதி குறித்த அறிவிப்பு வெளியாகியுள்ளது.
ரிலீஸ் தேதி
சித்ராலயா கோபு இயக்கத்தில், 1972-ம் ஆண்டு வெளியான திரைப்படம் ‘காசேதான் கடவுளடா’. முத்துராமன், தேங்காய் சீனிவாசன், வெண்ணிற ஆடை மூர்த்தி, மனோரமா ஆகியோர் நடித்திருந்த இப்படம் மிக வெற்றி பெற்றது. தற்போது இயக்குனர் ஆர்.கண்ணன் இப்படத்தை ரீமேக் செய்துள்ளார். இதில் மிர்ச்சி சிவா கதாநாயகனாக நடிக்க கதாநாயகியாக பிரியா ஆனந்த் நடித்துள்ளார். மேலும், யோகிபாபு, சிவாங்கி ஆகியோர் முக்கிய வேடங்களில் நடித்துள்ளனர். இப்படத்தின் டிரைலர் சமீபத்தில் வெளியாகி நல்ல வரவேற்பை பெற்றது.
இந்நிலையில், காசேதான் கடவுளடா திரைப்படம் அக்டோபர் 7-ம் தேதி திரையரங்குகளில் வெளியாகும் என்று படக்குழு அறிவித்துள்ளது.