தமிழகத்தில் நடப்பு கல்வியாண்டுக்கான பொறியியல் படிப்புகளில் சேர்வதற்கான கலந்தாய்வு வருகிற 25ம் தேதி தொடங்கவுள்ளது.
அமைச்சர் பொன்முடி
தமிழ்நாட்டில் நடப்பு கல்வியாண்டில் பொறியியல் படிப்புகளில் சேர ஆன்லைன் விண்ணப்ப பதிவு ஜூன் 20ம் தேதி தொடங்கியது. விண்ணப்பங்களைச் சமர்ப்பிக்க ஜூலை 19ம் தேதிவரை அவகாசம் வழங்கப்பட்டிருந்தது. ஆனால், சிபிஎஸ்இ தேர்வு முடிவுகள் வெளியாக தாமதமான காரணத்தால் ஜூலை 27ம் தேதிவரை நீட்டிக்கப்பட்டது. தற்போது சான்றிதழ் சரிபார்ப்பு பணிகள் நடைபெற்று வந்தது. இந்நிலையில், உயர் கல்வித்துறை அமைச்சர் பொன்முடி இன்று செய்தியாளர்களை சந்தித்தார். அப்போது அவர் கூறுகையில், ‘தமிழகத்தில் பொறியியல் கலந்தாய்வு வரும் 25ம் தேதி முதல் அக்டோபர் 21ம் தேதி வரை நடைபெறும். நீட் தேர்வு முடிவுகளால் கலந்தாய்வு நீட்டிக்கப்பட்டுள்ளது. நீட் தேர்வு மட்டுமல்லாது, மாணவர்களின் நன்மையை கருதியும் பொறியியல் கலந்தாய்வு நிதிக்கப்பட்டுள்ளது. பொறியியல் கல்லூரியாக இருந்தாலும், கலை அறிவியல் கல்லூரியாக இருந்தாலும் சரி, கலந்தாய்வு சமூக நீதியின் அடிப்படையில் நடைபெறும் என உயர்கல்வி துறை அமைச்சர் பொன்முடி தெரிவித்துள்ளார்.
