மேஷம்: சாதுர்யமாகப் பேசி காரியங்களை சாதிப்பீர்கள். வராது என்றிருந்த தொகை கைக்கு வரும். வியாபாரத்தில் பழைய சரக்குகள் விற்றுத் தீரும். வீடு, வாகன பராமரிப்பை மேற்கொள்வீர்கள். விருந்தினர், நண்பர்கள் வருகையால் வீடு கலகலப்பாகும்.
ரிஷபம்: உங்களின் வெளிப்படையான பேச்சை அனைவரும் ரசிப்பார்கள். குடும்பத்தில் ஒருவருக்கொருவர் விட்டுக்கொடுத்து செல்வீர்கள். ஆன்மிகத்தில் ஈடுபாடு அதிகரிக்கும். அலுவலகத்தில் மேலதிகாரியின் பாராட்டை பெறுவீர்கள். வெளியூர் பயணம் ஏற்படும்.
மிதுனம்: மனதில் பட்டதை பளிச்சென்று பேசுவீர்கள். குடும்பத்தில் குதூகலமான சூழல் ஏற்படும். உறவினர்களால் மனநிம்மதி கிட்டும். வியாபாரத்தில் புதிய வாடிக்கையாளர்கள் அறிமுகமாவார்கள். அக்கம்பக்கத்தினரின் அன்புத் தொல்லை அதிகரிக்கும்.
கடகம்: மனதில் இருந்த தேவையில்லாத பயம் விலகும். திடீர் பணவரவு உண்டு. மனைவிவழி உறவினர்கள் உங்கள் உதவியை நாடுவார்கள். அடிக்கடி செலவு வைத்த வாகனத்தை மாற்றி சிலர் புது வாகனம் வாங்குவீர்கள். அலுவலகத்தில் வேலைச்சுமை குறையும்.
சிம்மம்: சகோதரர் வகையில் எதிர்பார்த்த உதவிகள் கிடைக்கும். வீட்டுக்குத் தேவையான மின்சாதனங்கள் வாங்குவீர்கள். மனைவிவழியில் ஆதரவு அதிகரிக்கும். வீட்டை உங்கள் ரசனைக்கேற்ப அழகுப்படுத்துவீர்கள். தாயாரின் உடல்நிலை சீராகும்.
கன்னி: எதிர்பாராத வகையில் பணவரவு உண்டு. உறவினர்கள், நண்பர்கள் ஆதரவாகப் பேசத் தொடங்குவார்கள். வெளிவட்டாரத்தில் செல்வாக்குக் கூடும். வியாபாரத்தை விரிவுபடுத்த முற்படுவீர்கள். வீடு, மனை வாங்குவது குறித்து குடும்பத்தினருடன் ஆலோசிப்பீர்கள்.
துலாம்: முன்கோபம், வீண் அலைச்சல் வரக்கூடும். வாகனத்தில் செல்லும்போது கூடுதல் கவனம் தேவை. வியாபாரத்தில் பாக்கிகளை போராடி வசூலிப்பீர்கள். அலுவலகத்தில் நிதானமாக செயல்படுங்கள். அடுத்தவர் விவகாரங்களில் அநாவசியமாக தலையிட வேண்டாம்.
விருச்சிகம்: அடிக்கடி பழைய நினைவுகளில் மூழ்குவீர்கள். நட்பு வழியில் நல்ல செய்தி கேட்பீர்கள். ஆன்மிகக் காரியங்களில் மனம் ஈடுபடும். கூட்டுத்தொழிலில் பங்குதாரர்கள் ஆதரவாக இருப்பார்கள். விலகியிருந்த சொந்தபந்தங்கள் விரும்பி வருவார்கள்.
தனுசு: சொன்ன சொல்லைக் காப்பாற்ற பரபரப்புடன் செயல்படுவீர்கள். மனதுக்குப் பிடித்தவர்களுக்காக அதிகம் செலவு செய்வீர்கள். உடல் ஆரோக்கியம் திருப்திகரமாக இருக்கும். வியாபாரத்தில் லாபம் அதிகரிக்கும். வெளியூர் பயணத்தால் அனுகூலம் உண்டு.
மகரம்: மறதியால் பிரச்சினைகள் வந்து நீங்கும். உறவினர், நண்பர்களை பகைத்துக் கொள்ள வேண்டாம். சாலைகளை கவனமாக கடந்து செல்லுங்கள். மாலை முதல் மகிழ்ச்சிகரமான சூழல் நிலவும். பிள்ளைகள் பொறுப்புடன் நடந்து கொள்வார்கள்.
கும்பம்: குடும்பத்தினரின் தேவைகளை உடனுக்குடன் நிறைவேற்றுவீர்கள். பிள்ளைகளின் எதிர்காலம் குறித்து யோசிப்பீர்கள். பிரியமானவர்களின் சந்திப்பு நிகழும். பூர்வீக சொத்துப் பிரச்சினை முடிவுக்கு வரும். ஆன்மிகப் பயணம் செல்ல திட்டமிடுவீர்கள்.
மீனம்: அநாவசியப் பேச்சுகளை தவிர்த்து விடுவது நல்லது. முடிவெடுப்பதில் தடுமாற்றம் வரும். குடும்பத்தினருடன் அனுசரித்துச் செல்லுங்கள். அலுவலகத்தில் வேலைச்சுமை அதிகரிக்கும். யாருக்கும் எந்த உறுதிமொழியோ, உத்தரவாதமோ தரவேண்டாம்.