நகைச்சுவை நடிகர் கவுண்டமணி, சிவகார்த்திகேயனுடன் மாவீரன் படத்தில் இணைந்தது நடிக்கிறார் என்று தகவல் வெளியாகியுள்ளது.
மாவீரன் படம்
தமிழ் திரையுலகில் முன்னணி நடிகராக உயர்ந்துள்ள சிவகார்த்திகேயன் டான் படத்தை அடுத்து தற்போது நடித்து வரும் படம் ப்ரின்ஸ். தமிழ் மற்றும் தெலுங்கு மொழிகளில் உருவாகி வரும் இத்திரைப்படத்தை தெலுங்கு இயக்குனர் அனுதீப் இயக்கி வருகிறார். இப்படம் தீபாவளிக்கு வெளியாகும் என்று கூறப்படுகிறது. இதனையடுத்து சிவகார்த்திகேயன் ஒப்பந்தமாகியுள்ள படம் மாவீரன்.
கவுண்டமணி
மண்டேலா படத்தை இயக்கிய மடோன் அஷ்வின் இயக்கம் இப்படத்தின் ‘டைட்டில் டீசர்’ சமீபத்தில் வெளியாகி கவனத்தை ஈர்த்தது. அருண் விஸ்வா தயாரிப்பில் உருவாகும் இந்த படத்தில் இயக்குனர் மிஷ்கின் முக்கிய கதாப்பாத்திரத்தில் நடிப்பதாக ஏற்கனவே கூறப்பட்டது. இந்நிலையில், மாவீரன் படத்தில் சிவகார்த்திகேயனுடன், பிரபல நகைச்சுவை நடிகர் கவுண்டமணி இணைந்து நடிக்கிறார் என்ற தகவல் வெளியாகியுள்ளது.